Praktika Artistikoak eta Kultur Ikasketak: Gorputza, Afektuak, Lurraldea masterra modu independentean egin daitezkeen lau modulutan banatutako berezko titulu erdipresentziala da. Hainbat herrialdetako artistek, ikerlariek eta unibertsitateko irakasleek osatzen dute irakasle-zerrenda.

Uharteko Arte Garaikideko Zentroak (Uharte Zentroa), Nafarroako Unibertsitate Publikoak (NUP) eta Euskal Herriko Unibertsitateak (EHU) sustatuta, akademiaren eta arte garaikidearen arteko topagunea da master hau, non esperimentazio metodologikoa eta pedagogia kokatuak diren nagusi. Diziplinaz gaindiko ikerketa esparru bat eskaintzea du helburu, egungo praktika artistikoak birpentsatzeko aukera egon dadin.

Programak hiru ikerketa-lerro ditu ardatz (modu independentean egin daitezke 16 ECTS kredituko Unibertsitateko Aditu titulua lortzeko):

• Generoa eta bisualitateak: teoria feministen eta ikerketa bisualen, artistikoen eta performatikoen arteko elkarguneak aztertzean jartzen du arreta.
• Lurraldea: alde batetik, Euskadiko eta Nafarroako kultura-ikerketen edukiak biltzen ditu eta bertzetik, kultura-ekologienak.
• Afektuak eta ezagutza kokatua: praktika artistikoan eta artearen ikerketan pentsatzeko orduan afektuek duten garrantzia aztertzen du.

Aldi berean, praktika artistikoan oinarritutako ibilbide bat garatzen da, tokiko zein nazioarteko artistek zuzendutako lantegi intentsiboek, sorkuntza laborategiek eta banakako edo taldeko ikerketa-lan batek osatua.

Guztira bost titulazio egin daitezke:

• Genero eta Kultur Ikerketetan Aditua (16 ECTS)
• Kultura eta Lurralde Ikerketetan Aditua (16 ECTS)
• Kultura Ikerketak, Afektuak eta Ezagutza Kokatuan Aditua (16 ECTS)
• Arte Praktiketan Espezializazio Diplomatura (30 ECTS)
• Arte Praktikak eta Kultur Ikerketak: Gorputza, Afektuak, Lurraldea Masterra (60 ECTS)

Praktika artistikoak: tokiko eta nazioarteko artistek zuzendutako lantegi trinkoak, sormen laborategiak, banakako ikerketa lan bat (MALa) eta taldekako bertze bat.

Hauek osatzen dute masterraren zuzendaritza akademikoa:

• Maite Garbayo Maeztu (Serra-Húnter irakaslea, Bartzelonako  Unibertsitatea).
• Nerea de Diego (UPNA, Dpto. Ciencias Humanas y de la Educación)
• Oihana Garro (EHU/UPV).

Oskia Ugarte Abarzuzak, Uharte Zentroko zuzendariak, osatzen du Batzorde Akademikoa.

Matrikula egiteko dokumentu hauek eman behar dira:

• CVa edo artistaren portafolioa.
• Motibazio gutuna, honakoak azalduz: ikasketa-programarekiko interesa, programaz espero dena eta norberaren ibilbide artistikoarekin /akademikoarekin duen lotura.
• Gradu titulua edo baliokidea*

Hautaketa prozesuan, antzeko Lizentziaturak / Graduak egin dituzten ikasleei emango zaie lehentasuna.
 

*Edozein unibertsitateko graduko azken urtean dauden ikasleek ikasketak bukatu aurretik eman ahalko dute izena. Ikasturtea hasi aurretik aurkeztu beharko dute unibertsitate titulua. 

Unibertsitateko titulurik ez duten pertsonek Praktika Artistikoetako Espezializazio Diploma egin dezakete, baldin eta sorkuntzaren / kudeaketaren / bitartekaritza artistiko edota kulturalaren esparruan gutxienez 2 urteko esperientzia profesionala dutela ziurtatzen badute edo heziketaren arloan ezagutzak badituzte, baina hauek batxilergo artistikoaren edo LHko goi maila baten baliokideak izan behar dira denboran, forman eta mailan.

Hobariak eta salbuespenak

Hobari eta salbuespen hauek aplikatuko dira: 

• Familia ugari orokorra (matrikulatutako kredituei dagozkien prezio publikoen %50)
• Familia ugari berezia (matrikulatutako kredituei dagozkien prezio publikoetan %100)
• Ezintasuna (% 100 matrikulatutako kredituei dagozkien prezio publikoetan)
• Terrorismoaren biktimak (erregistratutako kredituei dagozkien prezio publikoetan %100) 
• Genero indarkeriaren biktimak (matrikulatutako kredituei dagozkien prezio publikoetan %100)

Informazio gehiagorako idatzi master@centrohuarte.es helbidera.