Gorputzen eta objektuen arteko ukimenak eta kontaktuak hainbat forma hartzen dituzten ikerketei heltzeko balio digute. Pentsamenduaren eta ekintzaren arteko lan-prozesu hibridoak dira, aurrera jarraitzeko bideak urratzea ahalbidetzen dutenak, betiere gorputzari eta haren sistemei ainguratuta. Horretarako, erosotasunaren eta ezerosotasunaren artean igarotzen gara etengabe, jakitun izanik, artista gisa, gure lana dela sortzen dugun eta gure inguruan sortzen den mugimendua besarkatzea. Saioetan, sormen- eta ikerketa-metodologia praktikoak erabiliko ditugu arteetan, bakarkako zein taldeko prozesuak garatu eta partekatzea ahalbidetuko dutenak. Materialen, keinuen eta erreferentzien arteko loturak aurkitzeko ingurune bat sortzea interesatzen zaigu.
