Hezkuntza
Uharte Zentroak arreta berezia jartzen du arte garaikidearen ekoizpena inguratzen duten ezagutzak eskuratzeko aukera ematen duten proiektuak sortzen, ikaskuntza-prozesuak bultzatuz, non praktika eta metodologia artistikoek ezagutzak partekatu, eraiki eta eraldatzeko tresna gisa balio duten. Horretarako, hainbat lan-ildo proposatzen ditu hezkuntza-zentroekin, irakasleekin, gizarte-taldeekin eta herritarren arteko eragileekin zuzenean lan egiteko, bitartekaritza kulturalaren bidez. Helburu bikoitza du: batetik, artistei lan eta esperimentazio testuinguru bat eskaintzea, eta bestetik, herritarren eskubide kulturalen garapena bermatzeko tresnak sustatzea.
-
A3+ Hezkuntza Proiektua 2025/2026
Hautatutako proiektuak:
Programak {0}
-
A3+ Hezkuntza Proiektua
Hezkuntza formalaren barneko edozein hezkuntza mailatara eta alor sozialean lan egiten duten kolektibo zein talderi zabalik dagoen deialdi bat da. Haren bidez lortu nahi da toki bateko hezkuntza arloa zein arlo soziala eta arlo artistikoaren arteko ezagutza trukea sortzea, biak ala biak aberasteko bidea emango duena.
-
Etxez etxe
Nafarroan arte eta hezkuntzan interesa duten irakasleentzako eta pertsonentzako jardunaldiak.
-
Kalera!
Herriko bizilagunak eta Uharte Zentroa elkarlotuko dituzten prozesu sortzaile txikiak sortzea da Kalera! proiektuaren helburua. Uharteko herriarekin egiten den lan hau Totemak Kalera! (2018-2024) proiektuaren jarraipena da.
-
En Red
Iruñerriko eskola ezberdinetan, ikasle zein irakasleentzat bideratutako, irakurketa eta idazketa sortzailerako tailerra
-
Tresnaka
Proiektua ikusiTresnaka artisten eta hezkuntza-baliabideen artxibo bat da. Tokiko prozesu artistikoak ikustarazteko gune bat izateaz gain, hezkuntza-baliabide bat ere bada. Uharte Zentroari lotutako sortzaileen lana ezagutarazten du, eta ikerlarien, komisarioen, historialarien, programatzaileen eta abarren erdigunean jartzen ditu.
Aldi berean, arte-prozesu garaikideen balio pedagogikoan arreta jartzen du eta hezkuntzako profesionalei tresna didaktikoak eskaintzen dizkie. Proiektuak ibilbide luzea egin du, baina 2020. urtean jarri da martxan. Artxibategi izaera duenez, edukiak etengabe sartzen dira. Hezkuntza-baliabide gisa, irakasleekin harremana duten beste lan-proiektu batzuk ditu lotuta, artxiboak dituen proposamenak inplementatu, hazi eta ebaluatzeko. Uharteko Arte Garaikideko Zentroak Edarte ikerketa-taldearekin (NUP) lankidetzan garatutako proiektua da
Kanpoko proiektuentzako hezkuntza-aholkularitza
Uharte Zentroko hezkuntza-taldeak sarean egiten dugun lana elikatzeko hezkuntza-proiektuen tutoretza eskaintzen du.
Arte praktika garaikideekin lotuta (edo lotu nahi dituzun) hezkuntza-proiekturik baduzu eta aholkularitza behar baduzu:
- Zure proiektua arte garaikideko artistekin konektatzeko
- Gai edo prozesu jakin bati buruzko erreferenteak bilatzeko
- Proiektua desblokeatu edo norabidea aldatzeko estrategiak lantzeko
- Beldurrak edo zalantzak partekatzeko
Idatzi e-mail bat educacion@centrohuarte.es helbidera, eta elkarrekin nola lagundu dezakegun ikusiko dugu.
Copyright © Uharteko Zentroa 2026