Deialdia A3+ 26/27 2026/2027

A3+ 2026eko urritik 2027ko maiatzara bitarte garatuko da eta gehienez 25 talderekin lan egingo du

1. Zer eskaintzen da

   Talde bakoitzarekin gutxienez 4 lan-saio izango dituen proiektu bat garatzea. Proiektu horren gaiak askotarikoak izan daitezke, eta talde bakoitzarekin adostuko da.
   Taldeko arduradun bakoitzarekin aldez aurretik adostuko dira beren testuinguru eta interesei ondoen egokitzen zaizkien helburu espezifikoak, eta hortik hasiko dira proposamena diseinatzen.
   Hasteko, proiektuak bi ildo generiko hauetako batekin lotzea proposatzen da:

   • Ekoiztu. Proiektuak diseinatuko ditugu taldearen helburuak Ekoizturekin harremanean jartzen diren neurrian.
   • Ekoizpen laborategiak. Proiektuak diseinatuko ditugu taldearen helburuak ekoizpen laborategiekin harremanean jartzen diren neurrian.

   Proiektu guztiek, gutxienez, taldearekin zuzenean lan egiteko 4 saio, talde bakoitzeko arduradunekin lan egiteko 3 saio kolektibo eta proiektua elkarrekin diseinatzeko 4 bilera dituzte.

2. Zuzeneko lana talde bakoitzarekin

   Uharte Zentroko hezkuntza taldeak taldearen arduradunarekin lankidetzan proposamen bat diseinatzen eta ezartzen dituen saioak.

   • Lehenengo saioa bilera bat izango da, taldearen arduradunaren eta Uharte Zentroko hezkuntza taldearen artekoa. Bertan proiektuaren helburu zehatzak zehaztuko dira, baita hurrengo saioen datak ere. Kasuz kasu aztertuko da formatua zenbateraino egokitzen zaion talde bakoitzaren errealitateari.
   • Saio bat ikasgelan, Uharte Zentroko hezkuntza taldearen eskutik. Bertan, gaia, proposamena edota prozesua ikasleei azalduko zaie, irudien irakurketaren, ekintza baten edota tailer txiki baten bidez.
   • Saio bat Uharte Zentroan proiekturako zehazki hautatutako tokiko artista baten eskutik. Saio hau beharrezkoa balitz ikastetxean egin ahalko litzateke.
   • Azken saio bat ikasgelan. Kasuaren arabera, taldeak proiektuarekin jarraitu ala ez erabakiko du.

    

3. Saio kolektiboak

   Esperimentazio artistikoko saioak eta harreman espazioak emango dira aukeratutako taldeen arduradun guztien artean. Saio hauek Uharte Zentroko hezkuntza taldea eta artista gonbidatuek gidatuko dituzte. 

Onartutako taldearen arduradun gisa aukeratutako pertsonak hurrengora konprometitu beharko dira:

• Uharte Zentroaren hezkuntza taldearekin batera gutxienez elkarlanean diseinatzeko bi bileretara eta bi ebaluazio bileretara joatea. (Online, telefonoz ala aurrez-aurrekoak izan ahalko dira).
• Kurtsoan zehar taldeko 3 lan-saio kolektiboetatik gutxienez 2tara joatea.
• Proiektuaren hasieran, ekoizpenaren azken faserako parte hartzeko eredu bat elkarrekin definitzea, inplikatutako alde guztien zereginak eta erantzukizunak jasoko dituena. 

Izen-ematea eta aurkeztu beharreko dokumentazioa

• Izena emateko epea: irailaren 7tik irailaren 30ra
• Nola: Uharte Zentroaren web-orrian dagoen formularioaren bitartez.
• Baieztapena: Urriaren 5a baino lehen jasotako eskaera guztiei mezu elektroniko bat bidaliko zaie.

Taldeak hurrengo irizpideen arabera aukeratuko dira

• Aurkeztutako talde deialdiaren helburuetara egokitzea.

• Izena emateko hurrenkera eta formularioa behar bezala betetzea.

• Hezkuntza formaleko taldeentzat: Ikastetxe bakoitzak ezin izango du hezkuntza-maila batean baino gehiagotan parte hartu. Ikastetxe bakoitzeko ez dira lau gela baino gehiago onartuko.