Laboratorio de procesos y clínica de obra

Erráticak arte garaikideko sorkuntza-prozesuen inguruko gogoeta eta analisia egiteko espazio bat proposatzen du.

Mentoretza-saioan denbora bat eskainiko zaio artista bakoitzaren proiektuen aurkezpenari eta horien inguruko elkarrizketa sortzeari, parte-hartzaileek garatzen ari diren ikerketaren inguruan beste begirada batzuk jaso ditzaten. Trukearen eta entzute aktiboaren bidez, proiektuetan sakonduko da praktikak sendotu eta kokatzeko, tresnak kolektibizatzeko eta pentsamendu kritikoa lantzeko.

Metodologia praktikak artikulatzen dituzten materialtasunen, keinu eta eragiketen analisian oinarrituko da, esperimentazio berriak sustatzeko eta prozesuen alderdi ez hain agerikoak kontziente egiteko, horietan murgilduta egoteagatik askotan oharkabean pasatzen direlako.

Ikuspegi feminista, kokatua eta kritikotik, laguntza eta eraikuntza kolektiborako espazio bat proposatzen dugu. Interesatzen zaigu pentsatzea nola garatzen diren praktikak, zein diren haien motibazioak eta nola sortzen dituzten loturak; lotura horiek, aldi berean, munduan egoteko moduak konfiguratzen baitituzte.