“Jugamos” fanzine bat da, eta, hartan, aurreko belaunaldietako haur-jolasak batzen dira, Txelin-en memoria testuingurua izanik; hura Pirinioetan hazi zen, 50eko hamarkadan. Belaunaldien arteko proiektua da, sortu zenetik. Ama eta alabaren arteko elkarrizketetatik sortu zen. Hark bere haurtzaroko jolasak idazteko zuen asmoa kontatzean, testuekin batera ilustrazio batzuk sortzeko ideia bururatu zitzaigun. Konfinamenduan gauzatu zen elkarlan hori. 2020ko martxoan, apirilean eta maiatzean elkarrekin eta bakarrik geundenez, aparteko egoera dela eta, fanzinean lan egiten hastea erabaki genuen. Jolasen deskribapenen bidez, Txelinen asmoa izan da kontatzea haurtzaroa nolakoa izaten zen herrian, jolasa eta kalea zirenean umeek harremanetan egoteko baliabideak. Jolasteko moduak hertsiki lotuta daude garai batean harremanak izateko zeuden moduekin eta orduko baldintza teknologiko, politiko eta sozialekin. Bizipen horiek islatu nahi izan ditu, belaunaldi hartako pertsona askok partekatutako bizipenak, eta belaunaldi berriei helarazi nahi izan dizkie. Hasieratik izan genuen argi asmoa ez zela argitalpen nostalgiko bat sortzea; hori dela eta, artxiboko irudi gehiegi ez erabiltzea erabaki genuen, eta ilustrazioa erabili genuen, edukia orainarekin konektatzeko. Ilustrazioen diseinura hurbiltzean, haiei beste jolas bat bezala aurre egitea erabaki nuen, eta, hala, estetikarekin eta koloreekin ikertzeko eta esperimentatzeko aukera ematen diot neure buruari eta, horretarako, zenbait konbinazio sortu. Batzuetan ikusten dut amak deskribatutako jolasek genero-marka oso zehatzak dituztela, “mutilentzako eta neskentzako jolasak” bereizten baititu. Testuetan bereizketa horri eustea erabaki dugu; izan ere, garai hartako errealitate ukaezina da, baina, hala ere, ilustrazioan dikotomia hori apurtu eta anbiguotasuna sortzea hautatu dugu. Fanzinea egitea oso atsegina izan da, zentzu askotan, eta aukera eman digu beste eremu batean elkar ezagutzeko, proiektua elkarrekin garatzeko prozesuan. Gainera, amaren memoriak nireak ere badira; izan ere, jolas horietako asko nire haurtzaroko jolasak ere badira, baina, batzuetan, aldaketa txiki batzuekin, dela izenean dela jolasteko moduan. Gure asmoa da fanzine horiek lagundu dezaten jolas horiek ezagutarazten eta beste pertsona askoren jolas izan daitezen jarraitzen.