Monstruen garaia

Raquel Meyers

Garai arraroetan, munstroak laguntzera etortzen dira.

Basajaun, Mari, Atarrabi, Mikelats eta Nekazarien urratsei jarraituz, Arga ibaia zelatan dituzten hondakinetatik izenik eta formarik oraindik ez duen izaki berri bat sortzen ari da. 2026ko ekainean zehar egingo den hondakin ez-organikoen (basuraleza) bilketak ibaiaren babesle berri honen gorputza osatuko du.

Hondakinetatik jaioko naiz, eta munstro bihurtuko naiz. Elkarrekin ibaiaren alde, biltzen dugunetik sortuko naiz.

^{Ekimen hau Raquel Meyersen “Tiempo de monstruos” proiektu kolaboratiboaren parte da, “Estéticas Transversales 2026” programaren barruan. Proiektua Huarte Zentroak eta Idensitatek antolatu dute, Iruñerriko Mankomunitatearekin elkarlanean.}

Programa irekia

Emaidazu izen bat – Ekaina – San Andres Errota
Munstroaren izena aukeratzeko ideien bilketa ekainean zehar San Andres Errotako tabernan. Herri-bozketa ekainaren 26an, ostirala, 17:30ean.

Munstroen garaia – Ekainak 20, larunbata – 12:00 – San Andres Errota
Munstro bat sortzeko tailerra. Nondik nator? Zein da nire izena? Nora noa? Zergatik dago hainbeste zabor ibaian? Horiek dira munstro berriak bere buruari egiten dizkion galderak. Izan ere, munstroak ez dira ezerezetik sortzen; gehien behar ditugunean agertzen dira. Hondakinetatik jaioko naiz, eta munstro bihurtuko naiz. Elkarrekin ibaiaren alde, biltzen dugunetik sortuko naiz.

Raquel Meyers

(Cartagena, 1977) 2004tik zaharkitze teknologikoa erresistentziarako tresna gisa erabiltzen duen artista eta ikertzaile independentea da, eta, besteak beste, argazkilaritza, idazmakina, faxa, teletestua, Commodore 64a edo brodatzea darabil bere lanean. Bere praktika artistikoa teknologiaren eguneroko erabilerari buruzko ikuspegi kritikoan oinarritzen da, baita haren paradoxetan eta nostalgia, estetika edo solucionismotik harago doazen ondorioetan ere. Gaur egungo larrialdi egoerak, gainera, mehatxu egiten digun tekno-totalitarismoaren aurkako borrokan kokatzera behartzen du. Bere lana honako jaialdi eta galerietan aurkeztu da, besteak beste: Ars Electronica, Transmediale, Xpo Gallery, La Casa Encendida, Liste Art Fair Basel, BMoCA, SeMA NANJI, LABoral, iMAL, HeK, ETOPIA, Espai Casinet eta Eufònic Urbà.