Rushes
Javier Ozcoidi Arricibita
Rushes lana artistaren aurreko sorkuntzen soberakinak eta "hondakinak" lantzeko eta berrikusteko ideiatik abiatzen da. Horrela, Javier Ozcoidik berrerabilitako materialak eta prozesuetako akatsak ekoizpenaren zati organiko bihurtu ditu. Era hortan, birziklapenetik material berriak lantzean bezain interesgarriak izan daitezkeen perspektibak sor daitezkeela erakusten du. Edo interesgarriagoak agian, objektu horiek esanahi-geruza desberdinak baitituzte erantsita. Proiektuak agerian uzten du akatsaren eta prozesuaren aztarnen balio estetikoa, eta artelan bihurtzen ditu.
Euskal Herriko Unibertsitatean Artean graduatu zen, eta orain Arte Ikerketa eta Sorkuntza Masterra egiten ari da unibertsitate berean, AGORART 2022 bekari esker. PADA Portugalen (2022) eta AE Ezproguin (2022) egin ditu egoitzak, eta Tabakalerako Artistentzako Tailerrean (2018) parte hartu zuen. Bakarkako eta taldeko erakusketetan erakutsi du bere lana, Ertibil (2023) erakusketa ibiltarian hautatu dute eta 2021ean Nafarroako Gazte Artearen Topaketetan saria jaso zuen.
Copyright © Uharteko Zentroa 2026