El Atractor. Propaganda luminosa
Marisa Mantxola Gutierrez
Proiektu hau, bizitzen ari garen egia-oste garaian propaganda artea ulertzeko moduen inguruan dihardu. Askatasuna sustatuko duen publizitate arte berri baten bila, artistek ohiko propagandaren baliabide berdinak erabiltzen dituzte argudioen azalpen eta komunikazio eredu berri bat irudikatzeko. Modu berri horrek, antzinako ereduaren pare, hartzailearengan emozioak eragin nahi ditu. Erronka, ordea, hori lortzeko subkontzientearen manipulazioan oinarritzen ez den bestelako estrategia batzuk garatzean dago.
Donostia, 1967. Arte Ederretan lizentziatua 1993 (EHU) Diseinuko espezialitatean. Diseinu grafikoaren eta ikus-komunikazioaren esparruan garatzen du bere praktika. Esperientziak planteatzen ditu komunetik eta eguneroko ingurunetik, hurbiletik eta txikitik, teknika tradizionalen eta egiteko modu teknologikoen (animazioak, proiekzioak, gif animatuak eta sare sozialak) bizikidetzaren bidez, eta proposamen afektibistak sortzen ditu, non ohikoa ezohiko bihurtzen den.
Diseinatzaile grafiko gisa, diziplina horrek ideiak sortzeko dituen gaitasunak aztertzen ditu. Ikertu eta sortu denboran zehar metatutako objektuen, aldizkarien eta argitalpenen argazkien artxiboak edo proiektu bakoitzerako berariaz erregistratutako irudiak oinarri hartuta. Material horren bidez, fikziozko harreman ezinezkoak eta narratiboak sortzen dituzten tramankuluak osatzen ditu, umore-dosi jakin batekin, gizakien eta beren ingurune hurbilenaren arteko portaerak eta loturak ulertzeko tresna gisa balio dutenak.
Copyright © Uharteko Zentroa 2026