Corpocartobiografias 2024 Totemak kalera

Proiektu hau bitartekaritza-lan bat da, Uharteko herriarekin elkarlanean garatzen dena. Oraingoan, Olaia Baigorriren lanetik abiatuta, prozesu artistikoak herritarrengana hurbiltzea eta herriko eragile ezberdinak elkar ezagutzea izan dira helburu nagusiak. Kasu honetan, Jubilatuen Elkartea, Jubiloteka eta Virgen Blanca eskola publikoa izan dira parte-hartzaileak.

2024ko urtarriletik maiatzera bitartean, Uharteko herriko hainbat kolektibo eta eragile inplikatu dituzten jarduera eta tailer ezberdinak garatu dira proiektu honen baitan, herritarren, tokiko eragileen eta prozesu artistikoen arteko topaguneak sustatuz.

CP Virgen Blanca ikastetxearekin egindako lana izan da proiektuaren ardatz nagusietako bat. Urtarrilean hainbat mailarekin tailerrak egin ziren: urtarrilaren 15ean Lehen Hezkuntzako 2. mailarekin, 16an 1. mailarekin, eta 18an 3. mailarekin. Urtarrilaren 19an Haur Hezkuntzako 3. mailakoekin lan egin zen, eta 24an 2. eta 3. mailako ikasleekin saio bateratua antolatu zen. Urtarrilaren 26an, beste tailer bat egin zen Haur Hezkuntzako 3. mailakoekin eta Lehen Hezkuntzako 1. mailakoekin.

Otsaila eta martxoan zehar Lehen Hezkuntzako 6. mailakoekin etengabeko prozesu bat garatu zen, hainbat saio eginez: otsailaren 26an, 27an eta 28an, martxoaren 1ean, 6an, 8an, 20an, 21ean eta 25ean.

Bestalde, martxoaren 11n Uharteko Jubilatuen Elkartearen bisita jaso zen, eta maiatzaren 31n talde berak Hazitegia - Oteiza Museoa bisitatu zuen irteera kultural batean.

Plazaldea Uharteko talde tekstila apirilaren 22an eta 29an izan zen Huarteko Zentroan. Halaber, Plazaldeako Jubiloteka bi tailerretan parte hartu zuen, maiatzaren 13an eta 15ean.

Azkenik, maiatzaren 18an ospatu zen Uharte Eguna, eta egun horretan izan zen proiektuaren azken ekintza: Olaia Baigorriren gidaritzapean egindako tailer parte-hartzailea, non hausnarketak partekatu eta hilabete hauetan bizi izandako prozesuari amaiera eman zitzaion.

Proiektu honek, sorkuntza artistikoaren eta memoria eta emozioekin egindako lanaren bidez, herriko kolektibo ezberdinen eta arte garaikidearen zentroaren arteko loturak sendotzea ahalbidetu du.