Begirada desberdin bat bilatzen ari naiz, ezarri diguten begirada tradizionalarekin haustea. Begirada hegemonikoa deseraikitzea eta, horretarako, norberaren ikus-imajinarioa eraikitzea. Argazkigintzaren bidez begirada pertsonala eraikitzea, eta hura kontzientzia eta erabakiak hartzeko prozesu gisa ulertzea. Pinturaren eta marrazkiaren bidez ere diziplinen arteko mugak lantzen ditut; pinturaren, argazkiaren, marrazkiaren eta objektuaren arteko mugak lausotzen saiatzen naiz. Mugak bilatu eta haiekin jolastea, desagerrarazteko edo kontzienteki ikusarazteko bihurritzea.