TRST Egun batean pozik nago eta bestean TRST. Eta, hala, gurpil batean sartuta. Neure buruaren inguruko baieztapen horretatik sortu zen proiektu hau, zenbait hilez menderatzen ari zaidan eta astun izaten ari den pentsamendu sistemiko batetik. Eta, besterik gabe, nora naraman ez dakidan baina egon nahi dudan lekuan naukan jardunbide bat sortzeko eta abian jartzeko beharra sortzen da. Jardunbide horretan, egiteko zenbait modu elkarrekin lotzen dira, eta horiek guztiek zenbait teknika grafiko kohesionatzen dituzte, hala nola grabatua, litografia eta serigrafia. Elkarren arteko lotura horren guztiaren bidez, beste zehaztapen batzuk iker eta esperimenta ditzaket eta beste material eta hizkuntza batzuk ezagut ditzaket lan grafikoaren barruan. Ehungintzak paperak baino aukera gehiago ematen dit jolasteko eta miatzeko. Horren bidez, inprimatzeko teknika tradizionalen formalizazioaren balioa nabarmendu nahi dut, gaur egungo testuinguruan sartu eta harekin harremanetan jartzeko eta, hala, diskurtso tradizionaletik urruntzeko eta grafika beste sistema batzuetan zirkulatzeko. TRSTn keinuekin, grafismoarekin, sinbolismoarekin eta afektuekin lan egiten dut, menderatzesistemek gizabanako sentiberarengan nola eragiten duten ulertzeko.