Sinbolo tribalaren eta gizakiaren buruaren artean zenbait teknikaren bidez elkarrizketa sortu nahiak bultzatu nau Uharte Zentroan eginiko proiektua egitera. Horrek material eta metodologia plastikoez hausnartzera eraman ninduen. Alde batetik, zenbait teknikarekin lan egin nuen, hala nola bideoarekin; koreografiak sortu nituen, eta haietan formatik sinbolorako bilakaera kontatu nuen. Bestetik, marrazkia eta collagea ere baliatu nituen. Proiektu honen bidez, diskotekaren aparkalekuaren azpikultura eta autoirudia ezagutzera eman nahi nituen.
Jara Navarlaz
Jara Navarlaz (Iruñea, 1995) Iruñea eta Bartzelona artean bizi eta lan egiten duen artista bisuala da. Unibertsitate ikasketak Euskal Herriko Unibertsitatean amaitu ditu, baita Arte Garaikideko Ikerketa eta Sorkuntza Masterra ere. Bere lanak formaren, kolorearen eta zeinuaren erabilera aztertzen du. Bere piezak formatu desberdinetan agertzen dira, hala nola, pintura, bideoa, irudia eta marrazkia. Deialdi desberdinetan hautatu da, hala nola Encuentros de Arte Joven (Arte Garaikideko Zentroa, Huarteko, Nafarroa), Zerbait gertatzeko derrigorrezko desbideratzea (Artium, Araba), Dime Dame (Aire Gallery, Vizcaya), besteak beste. Gaur egun, La Escocesa produkzio zentroan (Bartzelona) bizi da. Bere lana irudi digitalaren eta pinturaren artean kokatzen da, hauen bidez bere sorkuntza eta esperimentazio prozesua garatzen du.
Copyright © Uharteko Zentroa 2026