Uharte Zentroan egon naizen denboran Germinación izeneko proiektu tridimentsional bat garatu dut, buztinen plastikotasunaren eta zeramikaren bitartez ikertu eta esperimentatzeko helburuarekin. Horretarako, naturan aurkitzen ditugun forma organikoak errepresentatuz hiru dimentsioko irudizko herbario bat egin dut, lengoaia eskultorikoa erabiliz.

Ideia mundu natural eta botanikoan eginiko ikerketetatik sortu zen, ingurunean behatu ditudan ekosistemen elementuak nire irudipenean itxuraldatuz eta konposizio hibrido berriak sortuz.

Ikuspuntu estetikotik, natura abstrakzioz eta harmoniaz beterik dauden figura geometrikoen sortzailea da, alderdi sentsoriala ia adierazpen poetiko bat izanik. Prozesuan zehar buztin ezberdinekin probatu dut, beste elementu eta eraikuntza-materialekin bateratuz, korrelazio eta kontrasteak sortzeko.

Proiektu hau artea eta ekologiaren, zeramika eta eskulturaren arteko elkargunea da, jatorri naturaleko materialak eta egurra eta amaierako muntaietan erabilitako zuntzen birziklatzea bilatzen dituena.