Iragatea, bizitza, ibiltzea. Labirintoak iragate horren sinbolo bilakatzen dira; haietan nabilenean, neure buruan nabil. Ibilbidea barrutik dabilkigu; ibilbideak, hura egin ahala, osatu egiten gaitu. Forma ematen diogu eta, alderantziz, forma ematen digu. Bidetik, objektuak, pertsonak, aldatu nahi ditudan gauzak, esku hartzekoak, behatu nahi ditudanak, isiltasunak eta topaketak aurkitzen ditut, besteak beste, eta horrek guztiak iragatea osatzen dute, osotasunean. Aurkitutako objektuaren argazkia, estanpazioa, collagea, marrazki digitala… Grafikatik egiten den bilaketa poetiko hori liburu bilakatuko da laster. Ibiltzeari, ibilbidea egiteari, galtzeari eta nork bere burua aurkitzeari buruzko liburua. Forma hori hartuko du, ondoren beste ibilbide batzuetatik jarraitu ahal izateko