Zenbait artista (Filipa Cesar, DarcyLange edo Iratxe Jaio & Klass Gorkum, besteak beste) eta haien obrak erreferentzia gisa hartuta, arteikerketari ekin diot artxibotik abiatuta, irakasle naizen aldetik. Hau izan da Uharte Zentroko egonaldian (2020ko irailaren 1a-2021eko ekainaren 30a) egin dudan arte-proiektua. Egonaldiaren helburua izan da Arteetan Oinarritutako Hezkuntza Ikerketari buruzko ikerketa bat egitea. Hezkuntzari buruzko ikerketa, artetik abiatuta. Zer topaketak eta elkarrizketak ematen dute ikaskuntzari buruzko kontzeptuekin zerikusia duten pintura-lanetarako bide? Eraman gaitzake topaketak, obra eta kontzeptuetatik abiatuta, ezagutza sortzera? Zer ezagutza edo jakintza? Zer harreman eta afekzio sor daitezke? Arte-lanetik zenbait funtsezko ideia eta kontzeptu sortu dira, hala nola mugimendua, ihes-lerroa, natura, gorputza edo gaixotasuna. Mieke Bal-en lana erreferentzia gisa hartuta, erakusketa aukera bat izan daiteke artea bitartekari dituen topaketarako eta elkarrizketarako, kontzeptu horiei lotuta. Interesa daukat norabide horretan garatzen jarraitzeko.