“Historia de un dibujo” zenbait marrazki hedatuk eta iragankorrek eratzen dute; haietan, prozesuak berak inguruko espazioa arakatzen eta ulertzen laguntzen zidan. Paperak muga gisa zuen funtzioa eta euskarriaren mugak gainditu nahi nituen: nire mikrokosmos plastikoa horma, lurzoru eta sabaietara zabaltzea, formatutik ihes egiten duen lan baten bidez. Aldi berean, formaren eta espazioaren behaketa marrazki baten bidez nola murritz, erregistra, adieraz edo alda daitekeen galdetzen nion neure buruari: aretoan agertzen ziren bolumen eta hutsuneei begiratu nahi nien, eta galdera horren inguruan lan-segida bat sortu eta, horretarako, benetako espazioaren eta marraztutako espazioaren arteko mugak hautsi. Egonaldian, piezak eraldatu egiten ziren; desagertu egiten ziren eta hurrengoei aukera ematen zieten, eta, aldi berean, bilakaera hori bera haien guztien ildo nagusia zen. Etengabeko metamorfosian izan da lan hau; haren prozesuari une zehatzetan egiten nizkion argazkiak, hartu, geldiarazi eta berreraikitzeko.