Patria y espacio vital Proiektu horretan Etxabakoitzen errepresentazioa lantzen dugu, La Coronela auzotarrarekin izandako elkarrizketen bidez auzoaren dinamiken inguruan hausnartzeko leku gisa. 2021ean, Etxabakoitz auzoaz ikertzen hasi ginen. Gure ingurunetik oso hurbil dago, baina ezezaguna izan da, orain arte. Barañainen hegoekialdean dago, baina, beheko aldean dagoenez eta sarbide zaila duenez, auzoa erabat baztertuta dago. Auzoaren izenak adierazten du zer aurkituko dugun: etxe eta bakoitz. Prozesu honetan, kamera bitartekaria izan da, auzoa eta bertako jendea ezagutzeko orduan. Aukera eman digu hausnartzeko lekuari heltzeko orduan eta haren inguruko konpromisoa hartzeko orduan zer jarrera hartzen dugun. Sarritan, gaiari heltzeko modua bortitza izan da, eta kamerak bitxi eta inbaditzaile sentiarazi gaitu. Hala ere, deserosotasun horrek gure lan egiteko moduaren inguruko aukera, muga eta erronken inguruan birpentsatzea eragin digu.