Azken urteotan, Europako zenbait lekutako inauteriei eta neguko jaiei buruz ikertu dut, eta horren inguruan egin dut lana. Nire marrazki eta grabatuak inauterietako arropek zenbait animaliarekin duten harremanean oinarritzen ziren, hala nola hartzekin, otsoekin edo intsektuekin daukaten harremanean. Egonaldian, intsektu txiki batzuen zenbait estanpa egin nituen, zenbait koloretako formikazko piezen gainean. Nire lanaren alderdi folklorikoa alde batera utzi nuen, intsektua atera nuen haren arropatik eta inauterietako kolore biziekin eta jantzi horiek irudika zitzaketen animaliekin geratu nintzen. Gaur egun, intsektuak lanetik baztertu ditut, eta koloreen orbanetan jartzen ari naiz arreta; horretarako, serigrafiak egiten ditut, formatu handikoak eta kolore oso bizikoak, eta pantaila eta koloreen errepikapenarekin jolasten naiz.