Marina Suarez Ortiz de Zarate

(Gasteiz, 1988) Artista eta performerra. UPV/EHUn Arte Ederretan lizentziatu zen eta Madrilen Praktika Eszenika eta Ikusizko Kultura Masterra egin zuen. Paraleloki, dantza eta antzerki fisikoaren disziplinetan artista ezberdinekin formatu da eta Azala, BilboArte, Teatro Pradillo, S´ALA Spazio edo L´animal a l´eskena espazioetan artista egoilarra izan da. Artista ugariekin lan egin du, bere ikuspegia gehituz, bai koreografian eta dramaturgian, bai maila bisualagoan, jantziak, eszenografiak eta diseinuak eraikiz. Parasite konpainiarekin batera, el LINCE zuzentzen du, Gasteizeko Baratza aretoan. Dantzan Bilaka batzorde artistikoko kidea da 2025 eta 2026 bitartean.  2014ean, beste lagun batzuekin batera, Tripak konpainia sortu zuen, antzerkiari oso ikuspegi berezitik helduz, sorkuntzarako materialki izan daitezkeen diziplinen mugak ulertuz. Ordutik hainbat antzerki lanetan, performatiboetan eta site-specific-etan aritu dira. 2021ean Kampai ireki zuten Bilbon, erresidentzietarako eta erakusketetarako espazioa. Bere lan pertsonalena ikusizko arteen eta dantzaren artekoa da, eta “El Carneval”, “Txiribita” eta “Bortusai” piezak sortu ditu, besteak beste. Begirada espazial eta estetiko batetik gorputz eta objektuen artean gertatzen diren harremanak interesatzen zaizkio. Materia “bizigabeak” nola eragiten dien gorputzei eta hortik sortzen den mugimendua.