Uharte Zentroak arreta berezia jartzen du hezkuntza komunitatea eta komunitate artistikoa lotzeko aukera ematen duten prozesuak sortzean, jardun eraldatzaile batetik; esploratzeko dauden heziketa aukera berriak bilatu eta abiaraztea dakarrenetik, hain zuzen.
Asmo horrekin estreinatzen dugu hezkuntza eskaintza berria. Bertan, jada lehendik gauzatzen ari ginen irakaskuntza prestakuntza proposamenak, hala nola VACA Proiektua, ikasgelekin edo eskolekin ekintza zuzenak egiteko proposamen berriekin konbinatzen ditugu; “A3” eta “Eskola Lurraldea”.
