Hiru eguneko ikastaro hau serigrafia-teknikaren sarrera izango da, bereziki ehungintzan duen aplikazioari dagokionez. Gure esperientzian oinarrituta, ikasleak prozesu honetan lagunduko ditugu, estanpazioaren munduan murgiltzen. Serigrafiaren oinarrizko pausoak ikasiko dituzte: fotolitoak, emultsionatzea, insolatzea, agerraraztea, tinta hautaketa…
Gure ibilbidean zehar erabilitako estanpatuak berreskuratuko ditugu, tramen eta estilo grafikoen adibide gisa, eta bakoitzaren atzean dauden teknika eta berezitasunak azalduko ditugu: irudi solidoak, marrazki bidezkoak, argazki-irudiak, gradienteak…
Hiru egunetan zehar, ikasleek beren esku propioz estanpatuko dituzte motibo hauek ehun ezberdinetako jantzi eta hondarretan, ehun mota bakoitzaren portaera eta behar teknikoak aztertuz. Azken egunean, guztion artean sortutako lagin bilduma handi bat izango dugu, eta horren abiapuntutik estilismo ariketa bat garatuko dugu. Ariketa horretan, serigrafiaren bidez eraldatutako jantziak eta hondarren konbinazioa erabiliz, ikasle bakoitzak irudi atzerritar batetik abiatutako narrazio propio bat sortuko du.
Tailerraren helburu nagusia, serigrafia ikasteaz gain, estanpazioak euskarri ehunginaren bidez praktika artistikoaren transmisioan eskaintzen dituen aukerak aztertzea izango da.
Ibai Labega
Ibai Labegak moda-diseinua eta patroigintza ikasi zituen Goymar-Madril eskolan, gizonezkoen jantzigintzan espezializatuz. Bere ibilbidearen lehen urteetan, bere bildumak aurkeztu eta saldu zituen hainbat azoka eta moda-pasareletan, hala nola Madrilgo “el Ego de MBFWM” edo Cadizko “Pasarela South” izenekoetan. Handik gutxira, Guillermo Orjales artistarekin elkartu zen, eta biak batera River William marka sortu zuten. Estanpazio ehungilean espezializatutako marka honekin, serigrafiaren eta teknika honek eskaintzen dituen aukeren inguruko jakin-mina areagotu zitzaion. Estanpazio ehungile eta artisauaren arloan espezializatzeko beharrari erantzunez, 2019an Arrankupress tailerra jarri zuen martxan, serigrafiari, tindaketei eta artisau bidezko erreprodukzio grafikoari eskainia. Tailer honetan, obra propioa zein beste proiektuetarako ehunak eta estanpatuak ekoizten ditu, hala nola River Williamen “Kaxetak 5” erakusketarako (Okela Lantegia, Bilbo, 2020) edo beste artista batzuekin egindako lankidetzetan, esaterako Lorea Alfaro eta Jon Otamendirekin (“2020_3l3a_”, Fundació Miró, Bartzelona, 2021). Diseinua, patroigintza eta estanpazioa uztartuz, Ibai Labegak Euskal Herriko hainbat artistarekin egin du lan azken urteetan: Mabi Revuelta-ren “Acromática” piezarako jantziak diseinatzen (2017-18 Azkuna Zentroa Bilbo – Tabacalera Madril), Lorea Alfaroren “SPS” piezarako jantzi pertsonalizatuak ekoizten (Tabakalera Donostia, 2016), Sahatsa Jauregik zuzendutako “Verde Prato Showcase”-arako jantziak prestatzen (Artiatx, 2021), edo June Crespok sortutako “entre alguien y algo” lanerako ekoizpena burutzen (Carreras-Múgica, Bilbo, 2022). Gaur egun, jantzi-diseinatzaile lanak eta tailerreko jarduera uztartzen ditu, bere ezagutza teknikoa eta sormena aplikatuz bai proiektu pertsonaletan bai beste artista batzuenetan.
Guillermo Orjales
Getxo, 1986. UPV/EHUko Arte Ederretan lizentziatua, bere prestakuntza osatu du estanpazioan, patroigintzan eta jantzigintzan. 2015 eta 2019 artean DeUbieta oinetako-estudioaren partaide izan zen, eta hainbat erakusketatan parte hartu zuen: “La matèria com a forma” FAD (Bartzelona 2017), “Materias adaptadas, Amorf etern” Escola Massana (Bartzelona 2018), “Assaig General, la rebelión de los objetos” Hangar-FAD (Bartzelona 2018), edo “La forma de los líquidos” tailerra CentroCentro-n (Madril 2018). Laura Fernández Antolín, Sara de Ubieta eta Noela Covelorekin batera 101 elkartea sortu zuen, artearen eta modaren artean dabiltzan praktika artistikoak hurbiltzen dituen komisariotza-proiektua. Bartzelonan bi edizio egin zituzten (2017 eta 2018), eta hirugarrena Bilbon 2021ean, Eremuak-en babesarekin. Hortik “Arqueología del desecho” izeneko argitalpena sortu zen. 2020an Parisen kokatu zen, eta han moda-marka ezberdinekin lan egiten du, hala nola Blessekin, eta Lewis Dussurget diseinatzailearekin elkarlanean aritzen da. Gaur egun, moda-lanak proiektu eta lankidetzekin uztartzen ditu, ehungintzaren, grafikoaren eta argazkigintzaren arteko eremuan lan eginez. Proiektu aipagarri batzuk hauek dira:
2017 “The Rubbery”, Antoni Hervàs artistarekin lankidetza, 1646 gallery, La Haya.
2017 “Autogruta”, Generaciones 2018. Antoni Hervàs-ekin lankidetza, La Casa Encendida, Madril.
2018 “Canta Cucu”, Harriak 2018. Bastero Kulturgunea, Andoain, Gipuzkoa.
2020 “Kaxetak 5: River William vs Yessi Perse”, Okela Sormen Lantegia, Bilbo.
2021 “Fourteen years of teen”, Artiatx, Bilbo.
