Erakusketa: Desorden estético

                                                                                      Egilea: Dick Rekalde

                                         Nafarroako Gobernuak Sorkuntzari emandako Laguntzak

                                                                   Iraupena: 2010/10/29 - 2011/02/27

Desorden Estéticoerakusketa baliaturik, Dick Rekaldek irudi dokumentalaren baliabide teknikoak eta figuratiboak hartu ditu abiaburu: konposizio gardenak dira, eta, itxuraz neutroak izan arren, informazio pila eta iritzi gutxi eskaintzen dituzte aldi berean. Hala ere, objektibotasun faltsua agertzen duen azal horren atzetik hainbat asmo ezkutatzen dituzte, narrazioak, kritikak eta ironia zabaltzen dituztenak, kasu batzuetan argazki dokumentazioaren ideiari berari buruzkoak.

Greta Alfaroren lanak ustekabeko alderdi ezkutuetan sakondu du, ondoko pertzepzioa abiapuntu harturik: kaosa eta ahulezia kontrolatzeko sortu diren arauek gidaturik bizi dugu bizitza. Baina artista denez, ezkutatzen edo itotzen ditugun gertakizunak irudikatzen ditu, hots, alor pribatuaren eta publikoaren arteko desberdintasunak eta ageri-agerian dagoen eguneroko hipokresia.

Frantziako Kanpo eta Europako Aferetarako Ministerioak (DAE- Ikus-entzunezkoen Kanpo Zuzendaritza) eta Zinematografia Zentro Nazionalak (Kultura Zabalkunderako Zerbitzua -Kulturaren Irudiak katalogoa) dantzaren eta koreografiaren munduari buruz egindako lan dokumentalaren eta ikerketa lanaren ondorioz, paisaia bat eratzen du erakusketa honek, mugimenduaren artetik abiatuta (kultura garaikidearen adierazpidea baita mugimendua).

Erakusketa Escena Dantza Jaialdiaren barnean kokatzen da.
Ikusleek estreinako aldiz ezagutu ahalko dute erakusketa euskarrian ikus-entzunezko dokumentuek osatutako multzo honen aukeraketa bat. Hartara, eszenikoa eta plastikoa lotuko dira, arteen ikuspegitik. 

Bost espazio:
Erakusketa bost espaziotan banatzen da:
1)Mugimendua.
2)Sormen prozesua.
3)Dantzaren lexikoa
4)Dantzaren espazioak
5)Elkarrizketak dantzaren inguruan
-
 

Xavier Rovira, LiquidDocs-ekoa, da erakusketaren komisarioa. Koreografo, performer, interpretatzaile eta dramaturgoen sormen lan, ibilbide profesional, lan eta prozesuari buruzko muntaia horrek artista horien eta ikusleen arteko solasaldi berria eta aberasgarria irekitzen du.
Erakusketa-instalakuntza Huarte zentrorako ekoitzi da propio, hiru urtean egindako aldez aurretiko lana abiapuntu hartuta. Figuerasko Museu de L´Ampurdá izan da obraren zati bat ikusteko aukera eskaini duen bakarra.
Beraz, Huarte Zentrorako propio sortu dira instalakuntzak, erakusketa eremuan bertan horiek hazten eta garatzen jarraitzeko asmoz, ikusleekiko elkarreragin etengabeko prozesu baten barnean. Bisitariekin duen harreman fisiko eta kontzeptual horren alderdi diferentzial gisa, ondoko mailetan mugitzen da: orokorra; pedagogikoa, eskolako ikusleei zuzendua; eta espezializatua, dantza, performance eta eszena arteetako profesional eta artistei zuzendua.
Gainera, zentrora joaten diren ikusleekiko harremanak erakusketa esparruaren mugak gaindituko ditu, gailu mugikorrak erabilita, bere on line esperientzia denbora errealean gauzatzeko eskaintzen duen aukeraren bidez.
Eta ahalbideratuko du Huarte Zentroa Virtual network liquidMaps abiarazteko plataforma izatea Europa osoan: berehalako edukiak erabiltzeko eta sartzeko lehenbiziko on line proiektua, mugimenduaren arteetan sorkuntzarako egina. Hemen abiarazi eta aurkeztu ondoren, ekainean ezagutaraziko da, Reina Sofía Zentroan.
Bere izena dioen bezala, "Hacer y (des)hacer" prozesu aktiboa da, aldakorra beti, eta Huarte Zentroan izanen duen bizitzan aldatuz joanen da. Eszena arteetara hurbiltzeko aukera ematen die ikusleei, gertuko bizitzan kokatua, hain zuzen, kultura garaikidearen oinarrizko elementu gisa.
Ekinbidean ari den erakusketa. Eta erronka bat: nola koreografoak, performer-rak, interpretatzaileak eta dramaturgoak, partekatu, agertu eta solas egiteko gauza izateaz gainera, arte plastikoei dagozkien elementu fisikoei ere zabaltzen ahal dieten indar sortzaile hura. Erabat analogikoak eta gorpuzdunak dira prozesu horiek, elkarreragin digitalak... eta kultura garaikidean mugarik ez dagoela erakusten dute. Ezta diziplinen artean, ezta artisten eta ikusleen artean ere.

Zentroko atondorako, Javier Roldán Asurmendik, PINek, graffiti teknikan oinarritutako horma-irudi bat eginen du. Mugimendu, bizitza, hip hop eta artearen ikuspegia planteatzen du han, hiri ikonografian inspirazioa hartuta.

Alde batetik, kaleetan egindako argazki sorta bat hartzen duen begia egonen litzateke. Begi horren hausturak, kristal fina balitzan, horren aurka talka egiten duten hainbat irudiren segida baliatuta, nolabaiteko interpretazio eta metafora zentzua ematen dio obrari. Kristalen orientazioak eta lekualdatzeak begirada bera deskribatzen duen mugimendua iradokitzen du.

Itxura linealagoa eta dinamikoagoa duten irudien segida da begirada. Hartara, ondokoak aurkitzen ditugu: lokarri zabalak dituzten espartinak, aerosolak, errotulagailuak, break dancea, musika, txoriak hegan... mugimendu libreak.

Virtual network liquidMaps (www.liquidMaps.org)
Aretoaren zati handi batean Virtual network liquidMaps jarriko da. Huarte Zentroan zabalduko da estreinako aldiz. Horixe da, hain zuzen ere, mugimenduaren artearen alorrean sorkuntzari buruzko berehalako informazio multimediaren lehenbiziko on line plataforma. Hango horma batean proiektatuko da, eta formatu handian ikusi ahalko dute erabiltzaileek esperientzia hori.

LiquidMaps ekimena on line bidezko hub delako bat da, Europako eta mundu mailako kultura panoramaren eragileak, entitateak eta erakundeak lotzen dituena; komunikazio, kooperazio eta berrikuntza soziokulturala aitzinatzeko. Nazioarteko erdigune birtual bat garatzen du, eta horren helburua da aktore, ikusle eta talde desberdinen arteko sorkuntza eta gogoeta guneak ikertzea, garatzea eta dinamizatzea.

GoogleMaps® plataformaren gaineko sare-mapa baten bidez egiten da guztia. liquidMaps ekimenak hainbat kontu arakatzeko aukera ematen du modu bisual eta intuitiboan, alde batetik, egileen prozesu eta lanak, eta, bestalde, haiek bildu, ekoiztu eta hedatzen dituzten zentro, erakunde eta enpresak.

Horren erabilpenean aurrendaria denez, Huarte Zentroak edukiak denbora errealean zabaltzeko gaitasuna eskuratu du, eta nazioarteko erakundeen, eta zabaltze eta sorkuntza zentroen sare batean parte hartzen du.

"Hacer y (des)hacer" ikus-entzunezkoa. Joana Hurtado + Sònia Gómez
Egileak liquidDocs-en burutzen dituen emankizunen zein erakusketen prozesuei buruzko elkarrizketa da. Hain instintibo eta konplexua den zerbait, mugimendua, alegia, hitzetan islatzeko burutzen den prozesua aztertzen da.
Nintendo gunea
Ingurune elkarreragilea da, mugimendua, dantza eta gorputz adierazpena jokoaren bidez sustatzeko. Nintendoren laguntzarekin.

ASKATASUNA BERDINTASUNA SENIDETASUNA (ABS) erakusketak agertzen du elkarrekin bizitzeko hiru ideal horiek zertan diren gaur egun, gizakia bere burua aberasteko duen esparru bizienetariko batean: artean.

Frantzia eta Espainia, Espainia eta Frantzia, antzinako aurkariak, senideak dira egun. Erakustaldian Portugaleko bi artistak parte hartzea keinu bat da, historiarekin egin beharreko doitze bat, Portugal ere herrialde senidea izan baita garai hartako gertaeretan, baita egungo garaian ere.

Genomaren kontzeptua da Patxi Aldak aurkezten duen proiektuaren oinarria, ikertzeko arte prozesu gisa. Kontzeptuak garatzeko sormen horretatik abiatuta, paisaiaren eta horren irudikatzearen gainean lan egin du, sentimenen ikuspegi abstraktutik hasita.

Hura gauzatzeko, ikus-entzunezkoen elementuak erabili ditu artistak, eta bere esperientzia kontatzeko balioko diote erreproduzitzen duen paisaian.

Bere muntaian, elementu fisikoak eta hiru dimentsiokoak -eskulturak- soinuarekin eta proiekzioekin elkartzen dira aretoan Halako itxura izanda ere, organikoa ez dena, hondatutako elementuen xehetasunak edertasun bihurtuta, inork ukitzerik ez duena -zenbakizko adierazpidean baliabide digitalak harrapatutako haizea, adibidez-...

Paisaia, gizakiari estu lotutako kultur eraikuntza gisa, izaki basati, arrotz eta naturalen mitoaren aurrean. 

Nafarroako Gobernuak sorkuntzari ematen dizkion laguntzen barnean dago erakusketa.

Artistak eraiki eta landu duen lorategiaren abiapuntu dira leuntasuna egonezin bihurtzen zaien materialak. Material horiek barneko mugaraino goratzen dira, eta ahalbidetuko digute natura espazial eta geometriko batean sartzea.

Artilea, kakorratz-lana, egitura arinak, ia atrapatu ez arren argia desitxuratzen duten sareak dira... Obra organikoa du Iruñeko artistak, eta bertan eraikitzen dira bai natura, bai gizartea. Materiala abiapuntu hartuta, emakumezkoaren arketipoekin jolasten da, horiek gainditzeko eta unibertsalak bihurtzeko.

Nafarroako Gobernuak sormenari ematen dizkion laguntzen barnean dago erakusketa. 

Hiriko folklore errotuaren erritmoaren eta outsiderraren pean, aldi berean, eta matxinatu diren interpretatzaile batzuekin heltzen da bidaiariaren ikuspegia, bere subjektibotasuna, bere "ni" zatitua, antzematen, irudikatu eta liluratzen duten alderdien artean, tradizioak eta protestak bat egiten duten lekuan, kearen eta alkohol gogorren artean. Hori guztia ironia eta keinu kontzeptuala abiapuntu hartuta.

Horretarako, artistak ibilbide erreal eta estatikoa egin du Greziara, eta esperientziak hartu ditu, formatu desberdinetan kondentsatuak. Irudimenetik errealtasunerako bidaiaren gainean berreraikiko da multzoa.

Nafarroako Gobernuak sormenari ematen dizkion laguntzen barnean dago erakusketa.