Museo de Huarte

Maria Donata D'Urso Men-brain strata / Dantza garaikidea. Escena 2010 Dantza Jaialdia.

12-3-2010 Men-brain Strata-n Maria Donata D’Ursok azalaren aukerak ikertu ditu "elementu plastiko eta poetiko" gisa. Aldanza emanaldien egutegia: martxoaren 12an ostirala 20:30ean.

Men-brain Strata-n Maria Donata D'Ursok azalaren aukerak ikertu ditu "elementu plastiko eta poetiko" gisa. Ehunen eta mintzen adimen sentsorialari buruzko galderak egin dizkio bere buruari, gure odol zirkulazioaren barnealdearen eta kanpoaldearen artean epidermisean barna gertatzen den ikerketa baten bidez.

Horixe da, hain zuzen, Donata D'Ursoren lanaren ezaugarri nagusia, performance hori aurkitu zuenetik, bederen. 2005eko Seine-Saint- Denisko Nazioarteko Koreografia Topaketetarako sortu zen eta, zalantzarik gabe, arreta delikatua da, gorputzaren mugimendu minimalistarekin bat egiten duena. Keinuan birtuosismoa eta maisutasuna erakutsita, gorputzaren irakurketa berezia sortu du.

Sormen lan horren bitartez, bere gorputzaren eta egitura dinamiko baten arteko bitartekaritza esperimentatu du. Soka malguz elkarri lotutako metalezko hiru fuste handiz osatuta dago egitura.

Martxoan eta apirilean, Nafarroako Gobernuak ESCENA Dantza Jaialdia eramanen du Nafarroko 18 herritara, eta, horretarako, estilo mota guztietako 12 konpainia jarriko ditu agertokian: flamenkoa, dantza klasikoa, garaikidea, hip-hopa, hiri-dantza...

Estreinako aldiz partaide berriak sartu dira ESCENAn, alde batetik, Kultura Ministerioa -Arte Eszenikoen eta Musikaren Institutu Nazionala- eta, bestalde, Frantziako Enbaxada Espainian, bere Kultura Zerbitzuaren bidez. Handik, hain zuen, heldu da Maria Donata D'Ursoren ekoizpena, Uharteko Arte Garaikideko Zentroan gozatu ahalko duguna.

Sormen lana, koreografia
eta interpretazioa
: Maria Donata D'Urso.

Egitura: 
Fréderic Casanova, Jérôme Dupraz, Maria Donata D'Urso
Soinuaren sorkuntza: 
Kim Cascone

Argiztapenaren sorkuntza: 
Maryse Gautier

Ekoizpena
: Disorienta

Seine-Saint-Denisko Rencontres
 Chorégraphiques 
Internationalesek egindako koprodukzioa da, ondoko erakundeekin batera
elkarlanean gauzatua:
Pantin hiriko Centre de la Danse, Fondazione Fabrica Europa eta Fère-en-Tardenois herriko Scène Conventionnée. Halaber, ondokoek lagundu diote: Studiolab, Fondazione 
Pontedera Teatro, Fondazione Teatro V Emanuele di Noto eta Direction Régionale
des affaires culturelles
d'Ile-de-France Ministére
de la Culture et de
la Commucation.

<< Itzuli