Museo de Huarte

Virtual network liquidMaps. Espacio de documentación liquidDocs. Audiovisual hacer y(des)hacer. Espacio Nintendo. 3. aretoa

• Data: 2010-03-30 - 2010-08-29
• Izenburu: Virtual network liquidMaps. Espacio de documentación liquidDocs. Audiovisual hacer y(des)hacer. Espacio Nintendo.
• Egileen zerrenda:

Hirugarren aretoak "Hacer y (Des)Hacer" erakusketaren ibilbidea du jarraian, eta gogoeta egiteko, ikertzeko, tailerrak egiteko eta adierazpenerako gunea eskaintzen du. Dokumentazio eta baliabideetako zentroaren kontzeptua zabaltzen du horrek, eta LiquidD_MAPS.org proiektu berritzailean murgiltzeko aukera eskaintzen du.

liquidDocs dokumentazio gunea
Gune eszenikoaren berezko jarioa hartzen duen dokumentazio zentro baten gisa, ikusle mota desberdinendako hainbat proposamen planteatzen du areto horrek. Lehenik eta behin, ikusle espezializatua dugu; koreografo, performer eta eszenografoen sorkuntza prozesuei buruzko dokumentazio materiala erabili ahalko duena. Bestalde, ikusle arrunta dago, 2. aretoan eskaintzen den ikuspegia osatu ahalko duena.

Virtual network liquidMaps (www.liquidMaps.org)
Aretoaren zati handi batean Virtual network liquidMaps jarriko da. Huarte Zentroan zabalduko da estreinako aldiz. Horixe da, hain zuzen ere, mugimenduaren artearen alorrean sorkuntzari buruzko berehalako informazio multimediaren lehenbiziko on line plataforma. Hango horma batean proiektatuko da, eta formatu handian ikusi ahalko dute erabiltzaileek esperientzia hori.

LiquidMaps ekimena on line bidezko hub delako bat da, Europako eta mundu mailako kultura panoramaren eragileak, entitateak eta erakundeak lotzen dituena; komunikazio, kooperazio eta berrikuntza soziokulturala aitzinatzeko. Nazioarteko erdigune birtual bat garatzen du, eta horren helburua da aktore, ikusle eta talde desberdinen arteko sorkuntza eta gogoeta guneak ikertzea, garatzea eta dinamizatzea.

GoogleMaps® plataformaren gaineko sare-mapa baten bidez egiten da guztia. liquidMaps ekimenak hainbat kontu arakatzeko aukera ematen du modu bisual eta intuitiboan, alde batetik, egileen prozesu eta lanak, eta, bestalde, haiek bildu, ekoiztu eta hedatzen dituzten zentro, erakunde eta enpresak.

Horren erabilpenean aurrendaria denez, Huarte Zentroak edukiak denbora errealean zabaltzeko gaitasuna eskuratu du, eta nazioarteko erakundeen, eta zabaltze eta sorkuntza zentroen sare batean parte hartzen du.

"Hacer y (des)hacer" ikus-entzunezkoa. Joana Hurtado + Sònia Gómez
Egileak liquidDocs-en burutzen dituen emankizunen zein erakusketen prozesuei buruzko elkarrizketa da. Hain instintibo eta konplexua den zerbait, mugimendua, alegia, hitzetan islatzeko burutzen den prozesua aztertzen da.
Nintendo gunea
Ingurune elkarreragilea da, mugimendua, dantza eta gorputz adierazpena jokoaren bidez sustatzeko. Nintendoren laguntzarekin.